Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଦିଗପହଣ୍ଡି - ଆସିକା ମୁଖ୍ୟ ରାସ୍ତାରେ ଥିବା ଏକ ପୋଖରୀରେ ଭାସୁଥିବା ଅବସ୍ଥାରେ ସୋମବାର ଅପରାହ୍ନରେ ଜଣେ ଯୁବକଙ୍କ ଗଳିତ ଶବ ଉଦ୍ଧାର କରାଯାଇଥିବା ଜଣାପଡ଼ିଛି । ମୃତ ଯୁବକ ଜଣକ ହେଲେ ସ୍ଥାନୀୟ ସାନବ୍ରାହ୍ମଣ ସାହିର ସତ୍ଯ ନାରାୟଣ ପଣ୍ଡା ବୋଲି ଖବର ମିଳିଛି । ଖବରପ୍ରକାରେ , ସୋମବାର ଅପରାହ୍ନ ସମୟରେ ଦିଗପହଣ୍ଡି ଅଞ୍ଚଳେଶ୍ବରୀ ମନ୍ଦିର ନିକଟରେ ଥିବା ପୋଖରୀକୁ ଗାଧୋଇବା ପାଇଁ ଯିବା ସମୟରେ କିଛି ଲୋକ ପୋଖରୀ ମଧ୍ୟରେ ପଣ୍ଡାଙ୍କ ଗଳିତ ଶବ ଭାସୁଥିବା ଦେଖି ଦିଗପହଣ୍ଡି ଦମକଳବାହିନୀକୁ ଖବର ଦେଇଥିଲେ । ଖବରପାଇ ଦିଗପହଣ୍ଡି ଅଗ୍ନିଶମ ବିଭାଗ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ଗଭୀର ପାଣିରୁ ଉଦ୍ଧାର କରି ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଉପସ୍ଥିତ ଡାକ୍ତର ପଣ୍ଡାଙ୍କୁ ମୃତ ଘୋଷଣା କରିଥିଲେ ।
