ପ୍ରୟାଗରାଜ ସଂଗମ ସହରରେ ଚାଲିଛି ଧର୍ମ ଓ ବିଶ୍ୱାସର ମହା ପର୍ବ କୁମ୍ଭ ମେଳା । ଆଜି ହେଉଛି ବସନ୍ତ ପଞ୍ଚମୀ ବା ଶ୍ରୀ ପଞ୍ଚମୀ । ଏହି ତିଥିରେ କୁମ୍ଭ ମେଳାରେ ୩ୟ ସାହି ସ୍ନାନ ବା ଶେଷ ସ୍ନାନ ଅନୁଷ୍ଠିତ ହୋଇଯାଇଛି । ଏହି ୩ୟ ସାହି ସ୍ନାନରେ ପାଖାପାଖି ୪କୋଟିରୁ ଅଧିକ ଲୋକେ ସଂଗମରେ ପବିତ୍ର ବୁଡ ପକାଇଛନ୍ତି । ଶ୍ରଦ୍ଧାଳୁଙ୍କ ସମାଗମକୁ ଦେଖି ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଏହି କୁମ୍ଭ ମେଳା ଗତ ମକର ସଂକ୍ରାନ୍ତିରେ ଆରମ୍ଭ ହୋଇଥିଲା । ୨ୟ ସାହି ସ୍ନାନ ମଉନି ଅମବାସ୍ୟା ଦିନ ଥିବାବେଳେ ଆଜି ୩ୟ ବା ଶେଷ ସାହି ସ୍ନାନ ହୋଇଯାଇଛି । ଲୋକକଥା ଅନୁଯାୟୀ ବସନ୍ତ ପଞ୍ଚମୀରେ ଶ୍ରଦ୍ଧାଳୁ ୩୩ଥର ବୁଡ ପକାଇଲେ ଗଙ୍ଗା , ଯମୁନା , ସରସ୍ୱତୀ ଙ୍କର ଆର୍ଶୀବାଦ ମିଳିଥାଏ । ଏହା ଶ୍ରଦ୍ଧାଳୁମାନଙ୍କ ପାଇଁ ଖୁବ ମହତ୍ୱ ରଖେ ।