Bhagyaprabha News Bureau
ବଲିଉଡର ବରିଷ୍ଠ ଅଭିନେତ୍ରୀ ଶବାନା ଆଜ୍ମୀ ସ୍ୱାଇନ୍ ଫ୍ଲୁରେ ପୀଡ଼ିତ ହୋଇଛନ୍ତି । ବିଗତ କିଛି ଦିନ ହେବ ଥଣ୍ଡାକାଶରେ ପୀଡ଼ିତା ଥିଲେ,ଡାକ୍ତରଙ୍କ ପରୀକ୍ଷା ପରେ ଜଣାପଡ଼ିଲା ଯେ ଶବାନା ସ୍ୱାଇନ ଫ୍ଲୁ ଦ୍ୱାରା ସଂକ୍ରମିତ। ଏଥିଲାଗି ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଶବାନା ଆହୁରି ମଧ୍ୟ କହିଛନ୍ତି ଯେ ସେ ଧୀରେ ଧୀରେ ସୁସ୍ଥ ହେଉଛନ୍ତି। ସେ ଅସୁସ୍ଥ ଥିବା ସତ୍ତ୍ୱେ ସୋସିଆଲ ମିଡିଆରେ ଖୁବ୍ ସକ୍ରିୟ ଅଛନ୍ତି। ଝିଅ ଜୋୟା ଅଖତରଙ୍କ ଫିଲ୍ମ 'ଗଲି ବୟ' ସଂପର୍କରେ ଟ୍ଵିଟ୍ କରିଥିଲେ।ଏହାଛଡା ସେ ସୋସିଆଲ ମିଡିଆରେ ପ୍ରଖ୍ୟାତ ଲେଖିକା ଶୋଭା ଦେଙ୍କ ସହିତ ନିଜର ଏକ ଫଟୋ ସେଆର୍ କରି ନିଜ ସ୍କୁଲ ଦିନର ସ୍ମୃତିକୁ ତାଜା କରିଥିଲେ। ଏଠାରେ ସୂଚନାଯୋଗ୍ୟ ଯେ ଶବାନାଙ୍କ ପୂର୍ବରୁ ସୋନମ କପୁର,ନିର୍ମାତା-ନିର୍ଦ୍ଦେଶକ ବିନୋଦ ଚୋପ୍ରା ଓ ଅମୀର ଖାନ୍ ପ୍ରମୁଖ ମଧ୍ୟ ସ୍ୱାଇନ୍ ଫ୍ଲୁ ଦ୍ୱାରା ସଂକ୍ରମିତ ହୋଇଥିଲେ।
