BHAGYAPRABHA NEWS
ନିର୍ବାଚନ ବେଳେ ପ୍ଲାଷ୍ଟିକର ବ୍ୟବହାର ନେଇ କେନ୍ଦ୍ର ଓ ନିର୍ବାଚନ ଆୟୋଗକୁ ସୁପ୍ରିମକୋର୍ଟ ନୋଟିସ୍ ଜାରି କରିଛନ୍ତି। ବିଶେଷ କରି ନିର୍ବାଚନ ପ୍ରଚାର ସମୟରେ ପୋଷ୍ଟର ଓ ହୋଡିଂର ବ୍ୟବହାରକୁ ନଜରରେ ଦେଖି ଏନେଇ ଚାରି ସପ୍ତାହ ମଧ୍ୟରେ ଜବାବ ରଖିବାକୁ କହିଛନ୍ତି ସୁପ୍ରିମକୋର୍ଟ। ନିର୍ବାଚନରେ ପ୍ଲାଷ୍ଟିକ ବ୍ୟାନ ନେଇ ସୁପ୍ରିମକୋର୍ଟରେ ଜନସ୍ଵାର୍ଥ ମାମଲା ହୋଇଛି । ପ୍ଲାଷ୍ଟିକ ବ୍ୟାନ କରାଯାଇଥିବା ସତ୍ତ୍ଵେ ଦେଶରେ ନିର୍ବାଚନ ସମୟରେ ବହୁଳ ପରିମାଣରେ ପ୍ଲାଷ୍ଟିକ ବ୍ୟବହାର କରାଯାଇଥିବା ଦେଖାଯାଇଥିଲା। ଏହାକୁ ବିରୋଧ କରି ଏଡୱିନ୍ ୱିଲସନ୍ ନାମକ ଜଣେ ବ୍ୟକ୍ତି ସୁପ୍ରିମକୋର୍ଟରେ ଆବେଦନ କରିଥିଲେ। ଏହି ଆବେଦନର ଶୁଣାଣି କରି ଜଷ୍ଟିସ୍ ନାଗେଶ୍ଵର ରାଓଙ୍କ ଖଣ୍ଡପୀଠ କେନ୍ଦ୍ର ପରିବେଶ, ଜଙ୍ଗଲ ମନ୍ତ୍ରାଳୟ ଓ ନିର୍ବାଚନ ଆୟୋଗକୁ ଜବାବ ତଲବ କରିଛନ୍ତି।
