Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ସରକାରୀ ବାଳିକା ଉଚ୍ଚ ବିଦ୍ୟାଳୟର କାର୍ଯ୍ୟରତ ଭାରପ୍ରାପ୍ତ ପ୍ରଧାନଶିକ୍ଷକ ଶିଶିର କୁମାର ଦାସଙ୍କ (୫୨) ବୁଧବାର ଅପରାହ୍ନ ୫ ଟାରେ ହୃଦଘାତରେ ସ୍ଥାନୀୟ ବାସଭବନରେ ମୃତ୍ୟୁ ହୋଇଥିବା ଜଣାପଡିଛି । ଖବରନୁଯାୟୀ , ଭାରପ୍ରାପ୍ତ ପ୍ରଧାନଶିକ୍ଷକ ଶ୍ରୀ ଦାସ ୧୯୯୦ ମସିହା ପରଠାରୁ ଉକ୍ତ ବିଦ୍ଯାଳୟରେ ଜଣେ ସାଧାରଣ ଶିକ୍ଷକ ରୂପେ ନିଜ କର୍ମ ଜୀବନରେ ପାଦ ଦେଇଥିଲେ । ଏହାପରେ ୮ ବର୍ଷ ହେଲା ବିଦ୍ଯାଳୟର ଭାରପ୍ରାପ୍ତ ପ୍ରଧାନଶିକ୍ଷକ ଭାବେ ଦାୟିତ୍ୱ ତୁଲାଇ ଆସୁଥିଲେ । କିନ୍ତୁ ବର୍ତ୍ତମାନ କରୋନା ମହାମାରୀ ଯୋଗୁଁ ବିଦ୍ୟାଳୟ ଛୁଟି ରହିଥିବା ବେଳେ ନିଜ ପରିବାର ସହ ସମୟ ଅତିବାହିତ କରୁଥିବା ବେଳେ ଆଜି ଅପରାହ୍ନରେ ଆକସ୍ମିକ ଭାବେ ହୃଦଘାତରେ ଟଳି ପଡିଥିଲେ । ଭାରପ୍ରାପ୍ତ ପ୍ରଧାନଶିକ୍ଷକ ଶ୍ରୀ ଦାସ ଜଣେ ମେଳାପୀ , ଛାତ୍ର ବତ୍ସଳ,ସୁନାମଧନ୍ଯ , ଲୋକପ୍ରିୟ , ବିଦ୍ଯାଳୟ ସୁପରିଚାଳକ ଏବଂ ବିଦ୍ଯାଳୟ ସୁପରିଚାଳନାରେ ଦୁଇଦୁଇ ଥର ପୁରଷ୍କୃତ ପାଇ ବିଦ୍ଯାଳୟ ଓ ଗ୍ରାମ ପାଇଁ ଗୌରବ ଆଣିଥିଲେ । ପ୍ରଧାନଶିକ୍ଷକଙ୍କ ଏଭଳି ଦୁଃଖଦ ବିୟୋଗରେ ଆଜି ସାରା ଦିଗପହଣ୍ଡି ଅଞ୍ଚଳରେ ଶୋକରଛାୟା ଖେଳିଯାଇଛି । ଏଭଳି ଦୁଃଖଦ ସମୟରେ ଦିଗପହଣ୍ଡି ବିଇଓ ବସନ୍ତ କୁମାର ପଣ୍ଡା , ଏବିଇଓ ବାଳା ମାଝୀ , ରସାନନ୍ଦ ଘଡେଇ , ବିଶ୍ରବା ପାଇକ , ସିଆରସିସି ଉପେନ୍ଦ୍ର କୁମାର ପଣ୍ଡା , ବିଦ୍ଯାଳୟ ମୁଖ୍ୟ କିରାଣୀ ଜି. ଗୌତମ ଦୋରା ସମେତ ସମସ୍ତ କର୍ମଚାରୀ ଉପସ୍ଥିତ ରହି ଅନ୍ତିମ ଦର୍ଶନ କରିବା ସହ ଶୋକାକୁଳ ପରିବାରବର୍ଗକୁ ସମବେଦନା ଜଣାଇଛନ୍ତି ।
