BHAGYAPRABHA NEWS
ଅଗଷ୍ଟ ୮ରୁ ବିଦେଶ ଫେରନ୍ତାଙ୍କ ପାଇଁ ନୂଆ ଗାଇଡଲାଇନ ଜାରି କଲା ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ । ନୂଆ ଗାଇଡଲାଇନ୍ ଅନୁସାରେ ଯାତ୍ରୀଙ୍କୁ ଯାତ୍ରା ଆରମ୍ଭର ୭୨ ଘଣ୍ଟା ପୂର୍ବରୁ ଅନଲାଇନରେ ସେଲ୍ଫ ଡିକ୍ଲାରେସନ୍ ଫର୍ମ ଭରିବାକୁ ପଡିବ । ପୋର୍ଟାଲରେ ମଧ୍ୟ ଏନେଇ ସୂଚନା ପ୍ରଦାନ କରାଯାଇଛି ।ଯାତ୍ରୀମାନେ ଫେରିବା ପରେ ୧୪ଦିନ କ୍ୱାରେଣ୍ଟାଇନରେ ରହିବା ବାଧ୍ୟତାମୂଳକ । ଏହାମଧ୍ୟରୁ ୭ଦିନ ସେମାନେ ସରକାରୀ କ୍ୱାରେଣ୍ଟାଇନରେ ରହିବେ । ଏପରିକି ଆଉ ୭ଦିନ ସେମାନେ ହୋମ୍ ଆଇସୋଲେସନରେ ରହିବେ ।ତେବେ ଗର୍ଭବତୀ ମହିଳା, ପରିବାରର କାହାର ମୃତ୍ୟୁ ହେଲେ, ୧୦ ବର୍ଷରୁ କମ୍ ବୟସର ଶିଶୁର ମାତା-ପିତାଙ୍କୁ କ୍ୱାରେଣ୍ଟାଇନ୍ରେ କୋହଳ କରାଯିବ । ସେମାନେ ହୋମ ଆଇସୋଲେସନରେ ରହିପାରିବେ । ଅନ୍ୟପଟେ ବୋର୍ଡିଂ ପରେ କେବଳ ବିନା ଲକ୍ଷଣ ଥିବା ଆକ୍ରାନ୍ତଙ୍କୁ ସ୍କ୍ରିନିଂ ପରେ ଯିବାକୁ ଅନୁମତି ମିଳିବ । ବୋର୍ଡିଂ ସମୟରେ ସାମାଜିକ ଦୂରତାକୁ ଗୁରତ୍ୱ ଦିଆଯିବ । ଯେଉଁମାନେ ଯାତ୍ରା ପୂର୍ବରୁ ସେଲଫ୍ ଡିକ୍ଲାରେସନ ଫର୍ମ ଭରି ନଥିବେ ବିମାନରେ ଭରିପାରିବେ । ଏହାର କପି ସ୍ୱାସ୍ଥ୍ୟ ଓ ଇମିଗ୍ରେସନ ଅଧିକାରୀଙ୍କୁ ଦେବାକୁ ହେବ ।
