Swadhina Kumar Sahu
ବ୍ରହ୍ମପୁର ବାଳସୁଧାର ଗୃହର ୪୫ ଅନ୍ତେବାସୀ କରୋନା ଭୂତାଣୁ ସଂକ୍ରମିତ ହୋଇଥିବା ନେଇ ଜିଲ୍ଲା ଶିଶୁ ସୁରକ୍ଷା ଅଧିକାରୀ ସୁବୋଧ ଷଡଙ୍ଗୀ ସୂଚନା ଦେଇଛନ୍ତି । ସଂକ୍ରମିତ ଅନ୍ତେବାସୀଙ୍କ ଚିକିତ୍ସା ଜାରି ରହିଥିବା ବେଳେ ଆଉ କିଛି ଅନ୍ତେବାସୀ ଜ୍ୱର ଥଣ୍ଡାରେ ପୀଡିତ ଥିବା ଜଣାପଡିଛି । ବ୍ରହ୍ମପୁର ଜରଡା ବଙ୍ଗଳା ରାସ୍ତାରେ ଥିବା ବାଳ ସୁଧାର ଗୃହ ପରିସରରେ ଥିବା ସଙ୍ଗରୋଧ କକ୍ଷ ବ୍ୟବସ୍ଥା କରି ନାବାଳକଙ୍କ ଚିକିତ୍ସା କରାଯାଉଛି । ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟରୁ ଡାକ୍ତରଙ୍କୁ ଡେପୁଟେସନ୍ରେ ବାଳ ସୁଧାର ଗୃହକୁ ପଠାଯାଇଛି ।କରୋନା ପଜିଟିଭ ୪୫ ଅନ୍ତେବାସୀଙ୍କ ପ୍ରଥମ ପର୍ଯ୍ୟାୟରେ ୫ ଦିନ ପର୍ଯ୍ୟନ୍ତ ଔଷଧ ପ୍ରଦାନ କରାଯାଇଛି । ତେବେ ଏବେ ସବୁ ପିଲାଙ୍କ ଅବସ୍ଥା ସୁସ୍ଥ ରହିଥିବା ବେଳେ ସେମିତି କୌଣସି ଲକ୍ଷଣ ନଥିବା ସୁଚନା ମିଳିଛି ।
