ଭାରତର ବୈଦେଶିକ ମନ୍ତ୍ରାଳୟର ମୁଖ୍ୟପାତ୍ର ରବୀଶ କୁମାର ଶନିବାର ନୂଆ ଦିଲ୍ଲୀରେ ପାକିସ୍ତାନର ମିଛକୁ ନେଇ ସାମ୍ବାଦିକ ସମ୍ମିଳନୀ କରିଛନ୍ତି । ସେ କହିଛନ୍ତି ଯେ ଭାରତ ବିରୋଧରେ ଏଫ-16 ବିମାନର ବ୍ୟବହାର କରି ପାକିସ୍ତାନର ମୁଖା ଅନ୍ତରାଷ୍ଟ୍ରୀୟ ଦରବାରରେ ଖୋଲିଯାଇଛି । ଭାରତର ଦୁଇଟି ବିମାନ ନଷ୍ଟ କରିଥିବା ପାକିସ୍ତାନ ଦାବି ମିଛ । ପାକିସ୍ତାନକୁ ଆତଙ୍କବାଦୀ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ଦରକାର । ଭାରତ ଏଫ-16କୁ ନଷ୍ଟକୁ କରିଥିବା ପ୍ରମାଣ ଦେଇଥିବା ବେଳେ ପାକିସ୍ତାନ କାହିଁକି ଏହାର ପ୍ରମାଣ ଦେଉନାହିଁ । ପାକିସ୍ତାନ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ପ୍ରବକ୍ତା ପରି କାମ କରୁଛି ।