Swadhina Kumar Sahu
ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ କୁଠାରସିଙ୍ଗି ପଞ୍ଚାୟତର ସମିତିସଭ୍ୟ ଆଶିଷ ରାଉଲଙ୍କୁ ଆକ୍ରମଣ ସହ ହତ୍ୟା ଧମକ ଦେଇଥିବା ନେଇ ସେ ଥାନାରେ ଲିଖିତ ଅଭିଯୋଗ କରିଥିଲେ । ଏହି ଘଟଣାରେ ସମ୍ପୂକ୍ତ ଥିବା ଉକ୍ତ ପଞାଚ୍ୟତର ୯ ନମ୍ବର ୱାର୍ଡ ସଭ୍ୟ ଏନ ଲିମାୟା ରେଡ୍ଡୀଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ସୂଚନା ମୁତାବକ ଗତକାଲି ସମିତିସଭ୍ୟ ଜଣଙ୍କ ସନ୍ଧ୍ୟା ସମୟରେ ଜଲଖିଆ ଖାଇବା ପାଇଁ ଗୋଲନ୍ଥରା ଚଟିକୁ ଯାଇଥିଲେ । ଏହି ସମୟରେ ୱାର୍ଡ ସଭ୍ୟ ଜଣଙ୍କ ତାଙ୍କୁ ଆସି ମାରପିଟ କରିବା ସହ ଅସଭ୍ୟ ଭାଷାରେ ଗାଲି କରିଥିଲେ ଏବଂ ଜିବନରୁ ମାରିଦେବେ ବୋଲି ଧମକ ମଧ୍ୟ ଦେଇଥିଲେ । ଏନେଇ ସେ ଗତକାଲି ଗୋଳନ୍ଥରା ଥାନାରେ ଲିଖିତ ଅବିଯୋଗ କରିଥିବା ବେଳେ ସମିତିସଭ୍ୟ ଏବଂ ୱାର୍ଡ ସଭ୍ୟଙ୍କ ମଧ୍ୟରେ ପୂର୍ବରୁ ମଧ୍ୟ ପଞ୍ଚାୟତ ବୈଠକରେ ପାଟିତୁଣ୍ଡ ହୋଇଥିବା ସେ ଅଭିଯୋଗରେ ଉଲ୍ଲେଖ କରିଛନ୍ତି । ଅନ୍ୟପଟେ ଏହାକୁ ନେଇ କାଲି ରାତ୍ରୀ ସମୟରେ ସମିତିସଭ୍ୟଙ୍କ ସମର୍ଥକମାନେ ଥାନାକୁ ଆସି ଅଭିଯୁକ୍ତଙ୍କୁ ଗିରଫ କରିବା ପାଇଁ ଥାନାଧିକାରୀଙ୍କୁ ନିବେଦନ କରିଥିଲେ । ଏହି ଘଟଣାରେ ଏକ ମାମଲା ରୁଜୁ କରି ଗୋଳନ୍ଥରା ପୋଲିସ ୱାର୍ଡ ସଭ୍ୟଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି ।
