ପାରଳାଖେମୁଣ୍ଡି - ଗ୍ରୀଷ୍ମ ଆରମ୍ଭରୁ ଦେଖା ଦେଲାଣି ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ରେ ପାନୀୟ ଜଳ ର ଅଭାବ । ସହରର ପାନୀୟ ଜଳ ର ମୁଖ୍ୟ ଉତ୍ସ କୁହାଯାଇଥିବା ମହେନ୍ଦ୍ରତନୟା ନଦୀ ବର୍ତ୍ତମାନ ଠାରୁ ଶୁଖି ବାଲି ପଟା ପାଲଟିଲାଣି । ଏହି ଜଳ ଉତ୍ସର ଉପର ମୁଣ୍ଡରେ ଆନ୍ଧ୍ରପ୍ରଦେଶର କିଛି ଅଂଶ ରହିଥିବା ବେଳେ ନଦୀର ବିଭିନ୍ନ ସ୍ଥାନରେ ଅସ୍ଥାୟୀ ବନ୍ଧ ବାନ୍ଧି ରଖିଥିବା ଅଭିଯୋଗ ହେଉଛି । ଯାହା ଫଳରେ ନଦୀର ତଳ ମୁଣ୍ଡ ପାରଳାଖେମୁଣ୍ଡି ସହର ନିକଟରେ ବର୍ତ୍ତମାନ ଠାରୁ ନଦୀ ଶୁଖି ଶୁଷ୍କ ପଡ଼ିଲାଣି । ଯାହା ଫଳରେ ଗ୍ରୀଷ୍ମ ଆରମ୍ଭରୁ ସହର ମଧ୍ୟରେ ଲୋକଙ୍କ ପାଇଁ ପାନୀୟ ଜଳ ସଙ୍କଟ ଦେଖାଦେଲାଣି । ପାରଳାଖେମୁଣ୍ଡି ସହର ସମେତ ଆଖପାଖ ଅଞ୍ଚଳରେ ଖରାଦିନ ଆରମ୍ଭ ନ ହେବା ପୂର୍ବରୁ ବିଭିନ୍ନ ଜଳ ଉତ୍ସ ଶୁଖିଲା ପଡ଼ିବା ଯୋଗୁଁ ଲୋକଙ୍କୁ ପାନୀୟ ଜଳ ସମସ୍ୟା ସୃଷ୍ଟି ହେଲାଣି । ଯଦି ବର୍ତ୍ତମାନ ଠାରୁ ଉଚିତ୍ ପଦକ୍ଷେପ ନିଆ ନଯାଏ ତେବେ ଆଗାମୀ ଦିନରେ ସହରରେ ଜଳ ସଙ୍କଟ ଦେଖାଯିବ ବୋଲି ସାଧାରଣରେ ଚର୍ଚ୍ଚାର ବିଷୟ ପାଲଟିଛି ।