Rasmi Ranjan Sahu
ପାରଳାଖେମୁଣ୍ଡି -ଚାଲିଛି ନିର୍ବାଚନୀ ଋତୁ । ଗଜପତି ଜିଲ୍ଲାର ପାରଳାଖେମୁଣ୍ଡି ନିର୍ବାଚନୀ ମଣ୍ଡଳୀର ପୂର୍ବତନ କଂଗ୍ରେସ ବିଧାୟକ କେ. ସୁରିଆ ରାଓ ଓ ତାଙ୍କ ବହୁ ସଂଖ୍ୟକ କଂଗ୍ରେସର ଲୋକ ପ୍ରତିନିଧି ଭୁବନେଶ୍ୱର ଠାରେ ବିଜେଡିରେ ଯୋଗଦାନ କରିଛନ୍ତି । କେ.ସୁରିଆ ରାଓ ପାରଳାଖେମୁଣ୍ଡି ବିଧାନସଭା ମଣ୍ଡଳୀରୁ ୨୦୧୪ ମସିହାରେ ସାଧାରଣ ନିର୍ବାଚନରେ କଂଗ୍ରେସ ଦଳ ତରଫରୁ ନିର୍ବାଚନରେ ପ୍ରତିଦ୍ବନ୍ଦିତା କରି ବିଜୟ ଲାଭ କରିଥିଲେ । ପରବର୍ତ୍ତୀ ନିର୍ବାଚନ ୨୦୧୯ ରେ ସେ କଂଗ୍ରେସ ଦଳ ତରଫରୁ ଟିକେଟ ପାଇଥିଲେ ମଧ୍ୟ ପରାଜୟ ହୋଇଥିଲେ । ଆଜି ସେ ବିଜେଡିରେ ଯୋଗଦାନ ଦେବା ପରେ ଗଜପତି ଜିଲ୍ଲାରେ ରେ ଏକ ରାଜନୀତିକ ଚର୍ଚ୍ଚା ଦେଖାଦେଇଛି । ବିଜେଡି ଦଳରେ ଆଶାୟୀଙ୍କ ସଂଖ୍ୟା ଅନେକ ଥିବା ବେଳେ ବର୍ତ୍ତମାନ ପୂର୍ବତନ ବିଧାୟକଙ୍କ ବିଜେଡିରେ ଯୋଗଦାନ ଗଜପତି ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି । ଆଶାୟୀଙ୍କ ସଂଖ୍ୟା ଅନେକ ଥିବା ବର୍ତ୍ତମାନ ଆଉ ଏକ ନୂଆ ଆଶାୟୀ ଭାବେ ଉଭା ହେଲେ କେ.ସୁରିଆ ରାଓ । ତେବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ କାହା ଉପରେ ନିଜର ଆସ୍ଥା ପ୍ରକୋଟ କରିଚନ୍ତି ଓ ବିଜେଡି ର ପ୍ରତିନିଧି ଭାବେ କାହାକୁ ବାଛିବେ ତାହା ଟିକେଟ ଘୋଷଣା ପରେ ଜଣାପଡ଼ିବ ।
