Rasmi Ranjan Sahu
ଗଜପତି ଜିଲ୍ଲା ଓକିଲ ସଂଘର ନିର୍ବାଚନ ଆଜି ପାରଳାଖେମୁଣ୍ଡି ସ୍ଥିତ ଜିଲ୍ଲା କୋର୍ଟ ପରିସରରେ ଅନୁଷ୍ଠିତ ହୋଇଯାଇଛି । ଏହି ନିର୍ବାଚନର ୯୯ ଜଣ ଓକିଲ ଅଂଶ ଗ୍ରହଣ କରିଥିବା ବେଳେ ସଭାପତି ଭାବେ ସରୂପ କୁମାର ପାଳ ୫୦ ଖଣ୍ଡ ଭୋଟ ପାଇ ବିଜୟ ହୋଇଥିବା ବେଳେ ତାଙ୍କ ନିକଟତମ ପ୍ରତିନିଧି ସିଦ୍ଧେଶ୍ୱର ମିଶ୍ର ୪୯ ଖଣ୍ଡ ଭୋଟ ପାଇଥିଲେ । ଉପସଭାପତି ଭାବେ ୬୩ ଖଣ୍ଡ ଭୋଟ ପାଇ ବିଜୟ ହୋଇଥିବା ବେଳେ ତାଙ୍କ ନିକଟ ତମ ପ୍ରତିନିଧି ଆର ବାବୁ ରାଓ ୩୬ ଖଣ୍ଡ ଭୋଟ ପାଇଥିଲେ । ସମ୍ପାଦକ ଭାବେ ରାମ କୃଷ୍ଣ ନାୟକ ୫୯ ଖଣ୍ଡ ଭୋଟ ପାଇ ବିଜୟ ହୋଇଥିବା ବେଳେ ତାଙ୍କ ନିକଟତମ ପ୍ରତିନିଧି କାଶୀନାଥ ଦାଶ ୪୦ ଖଣ୍ଡ ଭୋଟ ପାଇଥିଲେ । ସେହି ଭଳି ଯୁଗ୍ମ ସମ୍ପାଦକ ଭାବେ ନୀଳମାଧବ ଅଧିକାରି ଓ କୋଷାଧ୍ୟକ୍ଷ ଭାବେ ସନ୍ଦୀପ କୁମାର ପଟ୍ଟନାୟକ ବିଜୟ ହୋଇଥିଲେ । ଜିଲ୍ଲାର ନୂତନ ସଂଘ କର୍ମକର୍ତ୍ତା ନିର୍ବାଚିତ ହେବା ପରେ ଏହା ଆଗାମୀ ଏକ ବର୍ଷ ପର୍ଯ୍ୟନ୍ତ ବଳବତ୍ତର ରହିବ ବୋଲି ସୂଚନା ରହିଛି ।
