ପାରଳାଖେମୁଣ୍ଡି- ସାଧାରଣ ନିର୍ବାଚନ ସମୟରେ ଗଜପତି ଜିଲ୍ଲା ଥାଏ ସବୁ ବେଳେ ଚର୍ଚ୍ଚାରେ । ଚଳିତ ସାଧାରଣ ନିର୍ବାଚନରେ ପାରଳାଖେମୁଣ୍ଡି ବିଧାନସଭା କ୍ଷେତ୍ରରେ ହେବାକୁ ଯାଉଛି ଏକ ବିଗ୍ ଫାଇଟ । ୨୦୨୪ ସାଧାରଣ ନିର୍ବାଚନରେ ଏହି ଆସନରୁ ବିଜେଡି ଦଳ ତରଫରୁ ରୁପେଶ ପାଣିଗ୍ରାହୀ ନୂଆ ମୁଁହ ଭାବେ ପ୍ରତିଦ୍ବନ୍ଦିତା କରୁଥିବା ବେଳେ ହାଇଟେକ୍ ଗ୍ରୁପ ଅଧ୍ୟକ୍ଷ ତିରୁପତି ପାଣିଗ୍ରାହୀ ଙ୍କ ନିର୍ବାଚନ ପରିଚାଳନା ରେ ରହିଛି ବେଶ ଅଭିଜ୍ଞତା। ୨୦୧୯ ସାଧାରଣ ନିର୍ବାଚନର ସେ ସ୍ଵାଧୀନ ଭାବେ ନିର୍ବାଚନ ମଇଦାନକୁ ଓହ୍ଲାଇ ଦ୍ଵିତୀୟ ସ୍ଥାନରେ ରହିଥିଲେ । ଚଳିତ ୨୦୨୪ ନିର୍ବାଚନରେ ତାଙ୍କ ପୁଅ ଦଳୀୟ ବିଜେଡି ଦଳରୁ ନିର୍ବାଚନରେ ରଣାଙ୍ଗନରେ ଓହ୍ଲାଇ ଥିବା ବେଳେ ବିଜେପି ଦଳ ପୁଣି ଥରେ ବିଧାୟକ କେ ନାରାୟଣ ରାଓଙ୍କୁ ରିପିଟ କରିଛି । କେ. ନାରାୟଣ ମଧ୍ୟ ନିର୍ବାଚନ ପରିଚାଳନାରେ ସିଧ ହସ୍ତ ଥିବା ବେଳେ ତାଙ୍କ ପାଖରେ ମଧ୍ୟ ରହିଛି ରାଜନୀତିର ବେଶ ଅଭିଜ୍ଞତା । କଂଗ୍ରେସ ଦଳ ତରଫରୁ ରାଜନୀତିରେ ନୂଆ କରି ପାଦ ରଖିଥିବା ଓଡ଼ିଶାର ପୂର୍ବତନ ଶାସନ ସଚିବ ବିଜୟ କୁମାର ପଟ୍ଟନାୟକ ଚଳିତ ଥର ପ୍ରଥମ କରି ନିର୍ବାଚନରେ ପ୍ରତିଦ୍ବନ୍ଦିତା କରୁଥିବା ବେଳେ ସେ ଓଡ଼ିଶା ତଥା କଂଗ୍ରେସ ଦଳର ଏକ ଚର୍ଚ୍ଚିତ ହେବି ୱେଟ୍ ନେତା । ଏହି ଆସନରୁ ଚଳିତ ଥର ୦୨ ଜଣ ନବାଗତ ହୋଇଥିବା ବେଳେ ଅନ୍ୟ ଜଣେ ପୁରୁଖା ନେତା । ଏହି ଆସନରୁ ଲୋକଙ୍କ ଆସ୍ଥା ଓ ବିଶ୍ୱାସ ନେଇ କିଏ ବିଜୟ ଲାଭ କରୁଛି ତାହା ଆଗାମୀ ଦିନରେ ସ୍ପଷ୍ଟ ହେବା ।