କୋରାପୁଟ ଜିଲ୍ଲାର ନାରାୟଣପାଟଣା ବ୍ଲକ ସଦର ମହକୁମା ଠାରେ ଥିବା ଏକ ମାତ୍ର ସରକାରୀ କସ୍ତୁରବା ଗାନ୍ଧି ବାଳିକା ବିଦ୍ୟାଳୟର ଛାତ୍ରୀ ମାନଙ୍କୁ ପେଟ ପୁରା ଖାଇବା ଦେଇ ଶିକ୍ଷା ଦେବା ନିମନ୍ତେ ରାଜ୍ୟ ସରକାର ପ୍ରତ୍ୟେକ ଛାତ୍ରୀଙ୍କ ପିଛା ଷ୍ଟାଇପେଣ୍ଟ୍ ଟଙ୍କା ସହ ଚାଉଳ ମଧ୍ୟ ସରକାର ଯୋଗାଇ ଦେଉଥିବା ବେଳେ ସୋମବାର ଦିନ ଜୟପୁର ଚାଉଳ ଷ୍ଟୋରରୁ ଠାରୁ ୬୦ ବସ୍ତା ଚାଉଳ ମଧ୍ୟରୁ ୪୦ ବସ୍ତା ଚାଉଳ କସ୍ତୁରବା ଗାନ୍ଧି ବାଳିକା ବିଦ୍ୟାଳୟରେ ଓହ୍ଲାଇ ଛାତ୍ରୀଙ୍କ ପେଟରେ ଓଦା କପଡ଼ା ଦେଇ ଏଠାକାର ପ୍ରାଧାନ ଶିକ୍ଷୟିତ୍ରୀ ତଥା ହଷ୍ଟେଲ ପରିଚାଳନା ଦାୟିତ୍ଵରେ ଥିବା ଶିକ୍ଷୟିତ୍ରୀ ଯେଉଁ ଗାଡ଼ି ଚାଉଳ ଆଣିଥିଲେ ଉକ୍ତ ଗାଡ଼ି ଯାହାର ନମ୍ବର AP 39Y 8249 ଗାଡ଼ିରେ ୨୦ ବସ୍ତା ଚାଉଳ ବିକ୍ରୀ ନିମନ୍ତେ ନେଇ ଯାଉଥିବା ସମୟରେ ନାରାୟଣପାଟଣା ପୋଲିସ ଗାଡ଼ି ସହ ଚାଉଳ ଜବତ କରି ନେଇ ଅଧିକ କରତାଳ କରୁଥିବା ସୂଚନା ମିଳିଛି। ଏହି ହଷ୍ଟେଲ ଛାତ୍ରୀଙ୍କ ଚାଉଳ ଚୋରା ଚାଲାଣ କରି ବିକ୍ରୀ ପଛରେ ହଷ୍ଟେଲ ପରିଚାଳନା ଦାୟିତ୍ଵରେ ଥିବା ଶିକ୍ଷୟିତ୍ରୀ ସହ ଆଉ କେଉଁ ମାନଙ୍କ ହାତ ରହିଛି ଏହା ପଛରେ ଅଧିକ ତଦନ୍ତ କଲେ ପଦାକୁ ସମସ୍ତ ତଥ୍ୟ ଲୋକଲୋଚନାକୁ ଆସି ଯିବ ବୋଲି ନାରାୟଣପାଟଣାବାସୀ ଦାବୀ କରିଛନ୍ତି। ସେପଟେ ଘଟଣାର ତଦନ୍ତ ହେବ ବୋଲି କହିଛନ୍ତି ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀ ।